Hukumat tarkibida yangi tayinlovlar amalga oshirildi

Saqlash
10:06 / 21.06.2024 509 0

Bugun, 21-iyun kuni Vazirlar Mahkamasida Prezidentning tegishli qaroriga asosan, lavozimlarga tayinlangan va tasdiqlagan bir qator nomzodlar Bosh vazir Abdulla Aripov tomonidan hukumat aʼzolariga tanishtirildi.

 

Bular quyidagilar:

 

Abduvaqqos Vohidovich Rafiqov – Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi raisi.

 

Bungacha u “Oʻzavtosanoat” AJ boshqaruv raisining mahalliylashtirish kooperatsiya aloqalarini sanoatda kengaytirish va axborot texnologiyalari masalalari boʻyicha birinchi oʻrinbosari lavozimida ishlagan.

 

 

Azim Israilovich Axmedxadjayev – Vazirlar Mahkamasi huzuridagi Atom energiyasi agentligi direktori.

 

Bungacha u Energetika vazirining birinchi oʻrinbosari lavozimida faoliyat yuritgan.

 

 

Olimjon Muxamadjanovich Umarov – Raqamli texnologiyalar vazirining birinchi oʻrinbosari.

 

 

Jamshid Yunusovich Tursunov – Transport vazirligi huzuridagi Avtomobil yoʻllari qoʻmitasi raisi.

 

Bungacha u Buxoro viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari sifatida ishlagan.

 

 

Amriddin Nasriddinovich Abduraxmonov – Transport vazirligi huzuridagi Avtomobil yoʻllari qoʻmitasi raisining yoʻl xoʻjaligi sohasiga ilgʻor xorijiy tajribalarni tatbiq etish va raqamlashtirish masalalari boʻyicha oʻrinbosari. Mazkur nomzod Vazirlar Mahkamasining tegishli qaroriga asosan tayinlangan.

Izoh yo‘q

Izoh qoldirish

//