Endi muhandislik yoʻnalishlari boʻyicha “Eng yaxshi gʻoya”, “Eng yaxshi loyiha” va “Eng yaxshi ixtiro” respublika tanlovi oʻtkaziladi.

Bunday tanlovlarda oʻqituvchilar, talabalar va amaliyotchi muhandislar ishtirok etishi mumkin. Bunda birinchi oʻringa elektromobil beriladi.

Bundan tashqari, gʻoya, loyiha va ixtiro muallifi boʻlgan eng zoʻr 10 nafar ishtirokchi Germaniya, Yaponiya, Xitoy, Rossiya, Italiya, Turkiya, Janubiy Koreya, Singapur kabi davlatlarga stajirovkaga yuboriladi.

Bu maqsadlar uchun esa har yili 15 mlrd soʻm ajratiladi.