Mutaxassislar bosh ogʻrigʻining qayerda boshlanishiga qarab uning sabablarini bilish mumkinligini taʼkidlaydi.

Jumladan:

▪️ Chakka qismida ogʻriq – qon bosimining keskin oʻzgarishi, organizmga toksinlar tushganda yoki yuqumli kasallik yuqqanda paydo boʻladi;

▪️ Ensa, yoki boshning orqa qismida ogʻriq – yuqori qon bosimi, osteoxondroz, spondilyoz, boʻyin mushaklarining toliqishidan kelib chiqadi;

▪️ Peshona yoki boshni old qismida ogʻriq – peshona boʻshligʻi shilliq qavatining yalligʻlanishi, miya ichki bosimining oshishi, meningit, pnevmoniya, bezgak, tif tufayli yuzaga keladi. Bunday ogʻriq kuzatilsa, zudlik bilan shifokorga murojaat etish zarur;

▪️ Koʻz atrofida ogʻriq – migren, vegetativ-qon tomir distoniyasi, koʻz kasalliklari sabab kelib chiqadi.

Shuningdek, mutaxassislar muntazam tarzda boʻlib turadigan bosh ogʻrigʻidan ogohlantiradi. Ular bu surunkali kasallikdan signal boʻlishi mumkinligini aytadi.