Pomidorning narxi tushib, kartoshka narxi koʻtarildi

Saqlash
17:06 / 14.06.2024 640 0

Makroiqtisodiy va hududiy tadqiqotlar instituti tadqiqotchilari 2024-yilning iyun oyida Toshkent shahridagi yirik supermarketlarda sotilayotgan 21 nomdagi oziq-ovqat mahsulotlari narxining oʻzgarishini koʻrib chiqdi.

 

Maʼlum boʻlishicha, 16 xil mahsulot boʻyicha minimal narxlar oʻtgan oydagiga nisbatan pasaygan.

 

Narxlarning eng yuqori pasayishi karam (-59,4 foiz), pomidor (-51,7 foiz) va bodring (-51,7 foiz) mahsulotlarida qayd etilgan.

 

2 nomdagi mahsulotning eng past narxi oʻzgarishsiz qolgan. Bular – tovuq goʻshti (file) va sut.

 

3 nomdagi mahsulot narxi esa oshgan. Narxining oshishi boʻyicha kartoshka yetakchilik qilmoqda.

 

Xabarga koʻra, kartoshka narxining qisqa muddatli oʻsishi vaqtinchalik bozor omillari, talab va taklifning oʻzgarishi bilan bogʻliq.

 

Maʼlumot oʻrnida, tahlil uchun 2-may va 13-iyun kunlari oʻtkazilgan monitoring maʼlumotlari asos qilingan.

Izoh yo‘q

Izoh qoldirish

//