Shuhrat Rizayev Kinematografiya agentligiga rahbar etib tayinlandi.

Maʼlumot oʻrnida, u 2017-yildan buyon Agentlik direktori oʻrinbosari lavozimida faoliyat yuritib kelayotgandi.

Rizayev 1958-yil 10-iyulda Toshkent shahrida tugʻilgan. Oʻzbekiston Milliy universitetining filologiya fakultetini tugatgan. Madaniyat va sport ishlari vazirligida, Oybek muzeyida, Prezident devoni va Vazirlar Mahkamasida, Davlat va jamiyat qurilishi akademiyasi faoliyat yuritgan.

2017-yilda Prezident Shavkat Mirziyoyev farmoni asosida “Doʻstlik” ordeni bilan mukofotlangan.

2021-yilda esa “Oʻzbekistonda xizmat koʻrsatgan yoshlar murabbiysi” faxriy unvoniga sazovor boʻlgan.

Oldinroq Kinematografiya agentligining oldingi rahbari Firdavs Abduxoliqov yangi lavozimga tayinlangani haqida xabar berilgan edi.