Respublika Maʼnaviyat va maʼrifat markazida olimlar, ziyolilardan iborat ekspertlar guruhining yigʻilishi boʻlib oʻtdi.

Unda bugungi targʻibot borasida oldinda turgan muhim masalalar, zamonaviy metodlardan foydalanish, jamiyatda kitobxonlik darajasini oshirish masalalari muhokama qilindi.

Jumladan, hozirda 31 mingdan ortiq maʼnaviy-maʼrifiy sohaga masʼul boʻlgan xodimlar mavjud, biroq shu vaqtgacha ularning samarali faoliyati uchun aniq metodik qoʻllanma, yoʻriqnomalar ishlab chiqilmagan.

Endilikda Markaz tomonidan soha mutaxassislari bilan hamkorlikda bu borada aniq maqsadlarga qaratilgan metodik tavsiyalar, qoʻllanmalar tayyorlanmoqda.

Yigʻilishda, shuningdek, ziyolilar mavjud loyihalar bilan tanishtirildi. Ularning fikrlarini tinglandi.