Prezident turizm salohiyatini toʻliq ochib beruvchi global targʻibot kampaniyasini yoʻlga qoʻyish vaqti kelganini aytdi.

Bunda televideniye va onlayn platformalar bilan birga ijtimoiy tarmoqlardan ham foydalanish muhimligi taʼkidlandi.

Shu maqsadda mutasaddilarga 1-oktyabrga qadar “milliy turizm brendi” toʻgʻrisida kontent yaratish uchun tanlov oʻtkazib, xalqaro platformalarda targʻibotni yoʻlga qoʻyish topshirildi.

Bularning amalga oshirish uchun esa joriy yilda 5 mln dollar mablagʻ ajratiladi.

Shu qatorda, mamlakatimizga turistlarni keng koʻlamda jalb etish uchun xorijlik blogerlar taklif etiladi.

“Auditoriyasi 10 milliondan ortiq boʻlgan kamida 50 nafar chet ellik blogerlar uchun info-turlar tashkil qilinishi belgilandi”, deyiladi xabarda.