26-30-iyun kunlari Butunjahon yoshlar festivali ilk bor Oʻzbekistonda boʻlib oʻtadi (https://t.me/yoshlaragentligi/10108). Festival “Yoshlar kuni”ga bagʻishlangan boʻlib, unda 150 ta davlatdan kelgan yoshlar oʻzaro fikr va tajriba almashinishi mumkin boʻladi.

Tadbir davomida taʼlim, innovatsiya, IT, biznes, media, madaniyat, sanʼat, sport kabi yoʻnalishlarning tajribali mutaxassislari nutq soʻzlaydi.

Festival bir vaqtning oʻzida Samarqand, Buxoro, Jizzax va Xorazm viloyatlari hamda Toshkent shahrida boʻlib oʻtadi. Ishtirok etish uchun 15-iyunga qadar gyf2024.uz saytida roʻyxatdan oʻtish talab etiladi.