Oʻsimlik qoldiqlarini yoqqan 4 nafar fuqaro jarimaga tortildi.

28-may kuni Buxoro viloyati Ekologiya boshqarmasi tomonidan navbatdagi nazorat reyd tadbirlari oʻtkazilganda Buxoro shahri va Shofirkon, Olot, Peshku tumanlarida 4 nafar fuqaro tomonidan oʻsimlik qoldiqlari yoqilayotgani aniqlangan.

Holat yuzasidan huquqbuzarlarga nisbatan MJtKning 88-moddasi 3-qismiga asosan maʼmuriy bayonnoma rasmiylashtirilgan va har bir fuqaroga BHMning 14 baravari, yaʼni 4 million 760 ming soʻmdan jarima qoʻllanilgan.

“Hozirda viloyat boʻylab kunduzgi va tungi kuchaytirilgan nazorat tadbirlari davom ettirilmoqda”, deyiladi xabarda.