Maʼlum boʻlishicha, voyaga yetmagan B.I.ning ota-onasi 2012-yilda oilaviy kelishmovchiliklar sababli ajrashadi. Shundan soʻng u otasining qaramogʻida qoladi.

Biroz muddat oʻtganidan soʻng uning onasi boshqa turmush qurib Turkiya davlatiga joʻnab ketadi. Otasi ham boshqa ayolga uylanadi.

Oʻgay ona tomonidan voyaga yetmagan B.I. ga nisbatan doimiy davom etgan qiynoq va zulm bolani oʻz uyidan chiqib ketishiga sabab boʻladi.

"B.I.ning qarovsiz qolishi natijasida uning taʼlim olishi, tarbiyasi izdan chiqib ketganligi aniqlandi. Bu holat yuzasidan “Inson” ijtimoiy xizmatlar markazi voyaga yetmagan B.I. tahsil olayotgan maktab maʼmuriyati xabar topib, bola “Voyaga yetmaganlarga ijtimoiy-huquqiy yordam koʻrsatish markazi”ga joylashtirildi”, deyiladi xabarda.

Hozirda bolaning ruhiy holatini yaxshilash borasida tegishli masʼullar tomonidan belgilangan tartibda amaliy ishlar olib borilmoqda.