17-may kuni, soat 18:00 da Oʻzbekiston kasaba uyushmalari saroyida “Jadidlar orzusi” spektakli premyerasi boʻlib oʻtadi.

Respublika Maʼnaviyat va maʼrifat markazi hamda “Maʼrifat” targʻibotchilar jamiyati tomonidan tashkil etilayotgan spektakldan koʻzlangan maqsad maʼrifatparvar jadid bobolarimizning ibratli hayot yoʻllari, boy maʼnaviy-ilmiy merosini yosh avlod qalbiga singdirish va targʻib etishdir.

Maʼlumot uchun, mazkur sahna asari Turkistonda bir necha maktablar ochilishiga sababchi boʻlgan, birinchi oʻzbek dramaturgi Mahmudxoʻja Behbudiy, oʻzining “Jamiyati xayriya” fondi tufayli yetim bolalarni chet ellarda oʻqishiga beminnat hissa qoʻshgan Abdulla Avloniy va milliy uygʻonish harakatining yana bir namoyandasi Abdulhamid Choʻlpon hayotiga bagʻishlanadi.