Prezident qarori bilan 2024-yil aprel oyidan boshlab Nukus – Istanbul yoʻnalishi boʻyicha biletlar sotilishi va aviaqatnovlar iyun oyidan boshlab amalga oshirilishi boʻyicha topshiriq berilgan edi. Bundan maqsad – Orolboʻyiga sayyohlar oqimini yanada koʻpaytirish, ularga qulay sharoitlar yaratish.

Qaror ijrosi doirasida parvozlar 3-iyundan boshlab har dushanba kuni amalga oshiriladi.

Maʼlumot uchun, aviachiptalarni www.uzairways.com saytida, mobil ilovada, Uzbekistan Airways Sales filialida yoki aviakompaniya agentlaridan xarid qilish mumkin.