Maʼlum boʻlishicha, voqea kecha, 13-may kuni soat 16:58 larda Toshkent viloyati Zangiota tumani “Harakat” mahallasida joylashgan uylarning birida sodir boʻlgan.

Oʻsha kuni uy egalari 2 yoshli farzandi ehtiyotsizlik va nazoratdan chetda qolganligi sababli hovlisidagi hojatxonaga tushib ketganligi toʻgʻrisida FVBga xabar bergan.

Shundan soʻng qutqaruvchilar zudlik bilan aytilgan manzilga yetib borgan va maxsus qutqaruv asbob-anjomlari yordamida taxminan 5 metrlik hojatxona chuqurligidan bolani sogʻ-salomat olib chiqib, hayotini saqlab qolgan.