Fargʻona viloyati Toshloq tumanida yashovchi 63 yoshli R.X. Kiberxavfsizlik markaziga murojaat qilib, oʻziga tegishli boʻlgan bank kartasidan nomaʼlum sabablarga koʻra 5 mln soʻm pul mablagʻlari yechib olinganligini maʼlum qilgan.

Kiberxavfsizlik boʻlinmalari tomonidan oʻtkazilgan tekshiruvlar natijasida bu pullar bank tomonidan yechilgani maʼlum boʻldi.

Yaʼni, R.X. oʻzining nomiga olgan kreditning oylik qarzdorligini vaqtida amalga oshirmaganligi sababli bank kartasidan 5 mln miqdoridagi mablagʻ bank tomonidan yechib olingan.

“Mazkur holat Oʻzbekiston Respublikasi JPKning 83-moddasi 1-bandiga asosan tugatildi”, deyiladi xabarda.