Oliy taʼlim, fan va innovatsiyalar vazirligida oliy taʼlim muassasalariga oʻqishga qabul qilish va davlat buyurtmasini shakllantirish tizimini takomillashtirishga bagʻishlangan matbuot anjumanida oliygoh hamda kollej va texnikumlarga qabul qilish imtihonlari “avval test, soʻng tanlov” tamoyili asosida oʻtkazilishi boʻyicha batafsil maʼlumot berildi.

Bunda abituriyentlar testni 1 marotaba topshiradi va toʻplagan bali bilan oliygohga kirish uchun tanlovda qatnashadi. Agar bali oliygohga yetmay qolsa, professional taʼlim tashkilotiga kirish uchun tanlovda ishtirok etadi.

Oliygohlarga qabul jarayoni 2 bosqichda olib boriladi:

1-bosqich – roʻyxatdan oʻtish va test fanlarini tanlash;

2-bosqich – test natijasi eʼlon qilingandan soʻng taʼlim yoʻnalishi va shaklini tanlash orqali amalga oshiriladi.