Maʼlum boʻlishicha, joriy yilning 29–30-aprel hamda 1-may kunlarida Surxon vohasida yogʻingarchilikning koʻp boʻlishi oqibatida Sherobod tumanining “Bogʻiobod” mahallasi hududiga kuchli sel kelgan.

Adirlikdan kelgan kuchli sel oqibatida mahalladagi qoʻrada saqlanayotgan 360 bosh qoʻy nobud boʻlgan.

Murojaatda koʻrsatilgan hudud hozirda viloyat Favqulodda vaziyatlar boshqarmasi, viloyat Sanitariya-epidemiologiya boshqarmasi tomonidan nazoratga olingan va har xil kasalliklar tarqamasligi uchun nobud boʻlgan qoʻylarning jasadi dezinfeksiya qilinib, koʻmilgan.