Maʼlum boʻlishicha, voqea 2023-yilning noyabr oyida Xorazm viloyati Gurlan tumanida boʻlib oʻtgan.

 Oʻsha kuni tumandagi 23-sonli bogʻcha tarbiyachisi F.S. tarbiyalanuvchilar M.X. va T.Sh. ga (2018-yilda tugʻilgan oʻgʻil bolalar) goʻyoki bir-biri bilan urishganligi vaji bilan qoʻpol munosabatda boʻlgan va bolalarning yuziga bir necha bor tarsaki tushirgan. Bu holat videotasvirga tushgan.

“Mazkur holatni, shuningdek, bolaning qoʻliga igna tiqish harakatini aniqlash yuzasidan hozirda voqea yuzasidan Gurlan tumani IIB tomonidan tergovga qadar tekshiruv harakatlari olib borilmoqda”, deyiladi xabarda.