Xabarga koʻra, 6 ta onlayn taksi agregatorlari soliq organlarining axborot tizimlari bilan integratsiyalashgan.

Ushbu agregatorlar orqali yoʻnalishsiz taksi faoliyati bilan shugʻullanayotgan oʻzini oʻzi band qilgan haydovchilarga tegishli boʻlgan 199,1 mingta avtomobil mavjud.

“Shundan 64 foizi Toshkent shahrida harakatlanadi”, deyiladi xabarda.

Onlayn taksi xizmatlarining taqsimlanishi quyidagicha:

▫️ Toshkent shahri (avtomobil raqami kodi 01) — 54,6 foiz;

▫️ Toshkent viloyati (avtomobil raqami kodi 10) — 17,9 foiz;

▫️ Qashqadaryo viloyati (avtomobil raqami kodi 70) — 5 foiz;

▫️ Fargʻona viloyati (avtomobil raqami kodi 40) — 3,3 foiz.

Ochiqlanishicha, poytaxtda Qashqadaryo, Fargʻona va Toshkent viloyatlari haydovchilari koʻproq yoʻlovchilarni onlayn-agregatorlar orqali tashimoqda.