Maʼlum boʻlishicha, Yangi Namangan tumanining “Goʻzal” mahallasida joylashgan “Boʻzchi mozor” arxeologiya yodgorligining 0,17 gr yer maydonida fuqaro A.Q. uy-joy qurmoqchi boʻlgan.

Shu maqsadda u obyekt hududidagi XVI–XVII asrlarga oid qabrlarni buzib yuborib, qadimiy yodgorlikka juda koʻp miqdorda, jami 6,9 mlrd soʻm zarar yetkazgan.

Hozirda holat boʻyicha jinoyat ishlari qoʻzgʻatilib, tergov harakatlari olib borilmoqda.

“Eslatib oʻtamiz!!! Mazkur jinoiy qilmishlar qonunchilikka asosan ogʻir jinoyat hisoblanib, aybdor shaxslarga nisbatan 7 yilgacha ozodlikdan mahrum qilish jazosi qoʻllaniladi”, deyiladi xabarda.