Prezident raislik qilgan yigʻilishda Zarbdor hududidan oʻtgan Qoʻqon — Jizzax avtomobil yoʻli chetidagi 55 gektar, Yangiobodda 700 gektar eski pistazorlarni yangilab, 5 gektardan aholiga boʻlib berish taklifi maʼqullandi.

Shuningdek, Zarbdorda sotilmay qolayotgan 10 ta va xususiylashtirish dasturiga kiritilgan 6 ta obyektning boshlangʻich bahosini 10 foizgacha pasaytirib, 5 yilgacha boʻlib-boʻlib toʻlash imkoniyati bilan tadbirkorlarga boʻlib beriladi. Bu bilan hududda tadbirkorlik loyihalari ishga tushirilib, 200 ta ish oʻrni yaratilishi mumkin.

“Mana, birgina tumanni oʻzida qancha imkoniyat! Qoʻshimcha 5 mingta ish oʻrni, kamida 50 million dollar eksport, tuman byudjetiga qoʻshimcha 80 milliard soʻm tushum”, – degan Prezident yigʻilish davomida.