Bugun, 8-aprel kuni ikkita hokimlikka yangi rahbarlar tayinlandi.

Jumladan, Jizzax viloyati Arnasoy tumani hokimligiga Musanov Odil Olimovich nomzodi tasdiqlandi.

Bunga qadar u Jizzax viloyati Iqtisodiyot va moliya bosh boshqarmasi boshligʻining birinchi oʻrinbosari vazifasini bajaruvchisi boʻlib faoliyat olib borgan.

Shuningdek, Toshkent viloyati Parkent tumani hokimi Sardor Isakulov boʻldi.

Isakov 2006-yili Markaziy magistral elektr tarmoqlari elektroenergiyasi uzatilishini hisoblash boʻlimida elektr montyori vazifasidan boshlagan. Shu bilan birga, Energetika vazirligida masʼul vazifalarda ham ishlagan.

Lavozimga tayinlangunga qadar u “Issiqlik elektr stansiyalari” AJ boshqaruv raisining ishlab chiqarish, mahalliylashtirish, koperatsion aloqalarni kengaytirish boʻyicha birinchi oʻrinbosari lavozimida ishlab kelayotgan edi.