2024-yil 2-apreldan aholiga issiqlik taʼminoti va issiq suv xizmatlari uchun tariflar 15% ga koʻtarilganini maʼlum qilamiz, deb xabar berdi Veolia Energy Tashkent.

Xabarga koʻra, yangi tariflar isitish mavsumi tugagan kundan bir kun oʻtib, yaʼni 27-martdan emas, balki Toshkent shahar hokimining tegishli qaroriga asosan 2024-yil 2-apreldan kuchga kirgan.

Maʼlumot uchun, agar isteʼmolchi 27-martdan 2-aprelgacha issiqlik taʼminoti va issiq suv xizmatlari uchun oshirilgan stavkalarda toʻlovlarni amalga oshirgan boʻlsa, toʻlangan oshiqcha summa avans sifatida hisobga olinadi.