“Jamiyat” gazetasi Oyina.uz portalining eng sara maqolalaridan parchalarni ikki sahifaga jamlab (2024-yil 28-martdagi 14 (885)-soni), mushtariylariga taqdim qildi. Materiallar bilan batafsil tanishishni istaganlar uchun QR-kod tarzida link ham berilgan.

Gazeta sahifasidan:

“Hozir Navoiy tirilib kelsa ham, o‘z puliga kitob chiqarardi – bugunning brend adiblari qancha gonorar oladi?”;

“Ssenariysiz seriallarning asosiy qahramonlari kimlar?”;

“Jurnallarning eng birinchisi va yaxshisi...”;

“Kompartiyani titratgan masal, Ibrohim Rahim va Ne’mat Aminovning “Mushtum”dan haydalishi, o‘lganning ortidan tosh otganlar sharmandali qismati” kabi maqolalardan iqtiboslar o‘rin olgan.

Ma’lumot o‘rnida: “Jamiyat” gazetasi muassisi O‘zbekiston Respublikasi Egologiya, atrof-muhitni muhofaza qilish va iqlim o‘zgarishi vazirligi, Tadbirkorlar va ishbilarmonlar harakati – O‘zbekiston Liberal-demokratik partiyasi, O‘zbekiston Nodavlat notijorat tashkilotlari milliy assotsiatsiyasi hamda O‘zbekiston Savdo-sanoat palatasi. Bosh muharriri – Maqsud Jonixonov. Gazeta hozirda A-3 formatda, 1 015 nusxada chop qilinmoqda.