Kecha, 28-mart kuni Surxondaryo viloyati hokimi Ulugʻbek Qosimov ijtimoiy sohada amalga oshirilayotgan ishlar bilan tanishish yuzasidan Jarqoʻrgʻon tumaniga borgan.

Hokim tumandagi 27-sonli oilaviy poliklinikasida ham boʻlgan va respublikada birinchilardan boʻlib hamshiralarga skuterlar va patronaj sumkalarini topshirgan.

Bunga hudud aholisi tarqoq joylashgani, patronaj xizmati koʻrsatishda qiyinchiliklar yuzaga kelayotganligi sabab qilib koʻrsatilgan.

Shu hisobda, endi tumandagi potranaj hamshiralari skuterlarda xonadonlarga qatnaydi.

Bundan tashqari, ushbu tibbiyot xodimalariga UzGPRS tarmogʻiga ulangan planshetlar ham topshirilgan.