Bugun, 25-mart kuni Toshkent shahrida havo biroz bulutli boʻladi, yogʻingarchilik kutilmaydi.

Harorat kechasi 11-13 daraja iliq, kunduzi 23-25 daraja iliq boʻladi. Bu haqida Oʻzgidromet xabar berdi.

Xabarga koʻra, respublika boʻyicha yogʻingarchilik kuzatilmaydi.

Kun davomida eng yuqori harorat Qashqadaryo — Surxondaryo viloyatlarida kutiladi. Bunda kunduzi harorat +30 darajagacha koʻtarilishi mumkin. Kechasi esa 10-15 daraja iliq boʻladi.

Eng past harorat vodiy viloyatlarida kuzatiladi. Bunda kunduzi harorat +25 darajagacha koʻtariladi. Kechasi esa 5-10 daraja iliq boʻlishi aytiladi.