Aqlli elektromobillar ishlab chiqaradigan Xitoyning Zeekr kompaniyasi Oʻzbekiston bozoriga kirishini maʼlum qildi, deb xabar berdi Spot.

Xabarda aytilishicha, Xitoy xoldingi Oʻzbekistonda oʻzining eng ommabop modellaridan biri “Zeekr 001”ni taqdim etadi.

Maʼlumot uchun, “Zeekr” mahsulotlari toʻliq elektromobil boʻlib, benzin yoki dizel dvigatellari yoʻqligi sababli atrof-muhitga kamroq salbiy taʼsir koʻrsatadi. Ular uchun yagona energiya manbai qayta quvvatlanuvchi batareyalar hisoblanadi.

Garchi elektromobillarini iyun oyiga yetkazib berishi rejalashtirgan boʻlsa-da, kompaniya mahsulotlari hozir ham Oʻzbekiston bozorlarida mavjud.