Statistika agentligining maʼlum qilishicha, 2024-yilning yanvar-fevral oylarida FHDYO organlarida respublika boʻyicha 137 459 ta tirik tugʻilish holatlari qayd etilgan.

Bu koʻrsatkich oʻtgan yilning mos davri bilan solishtirilganda 3 631 taga (2,6%) kamaygan.

Ammo bu dastlabki maʼlumotlar tahlilidir. Chunki agentlikning joriy yil fevral oyi boʻyicha bergan maʼlumotida 65 529 ta tirik tugʻilish holatlari qayd etilgani aytilgan. Bu esa oʻtgan yilning mos davri bilan solishtirilganda 650 taga (1,0 %) koʻpligini koʻrsatadi. Shu oʻrinda, taxmin qilish mumkinki, tugʻilishlar soni faqatgina yanvar oyida kamaygan va fevral oyiga kelib yana “oʻz holiga qaytgan”.