Oldinroq unga nisbatan psixiatriya ekspertizasi tayinlangani haqida xabar bergan edik.

Bolalar ombudsmanining yozishicha, ushbu mehnat fani oʻqituvchisi M.A.ning bolaga qilgan qoʻpol muomalasi hamda qonunga xilof harakatlari yuzasidan Xonqa tuman IIB tomonidan tergovga qadar tekshiruv olib borilgan.

Oʻrganish natijasida maʼlum boʻldiki, Xonqa tumanidagi 36-son umumiy oʻrta taʼlim maktabi boshlangʻich sinf oʻqituvchisi M.A. bilan tuzilgan mehnat shartnomasi 2024-yil 1-martdan boshlab bekor qilingan.

Shuningdek, tergovga qadar tekshiruv natijasida M.A. Maʼmuriy javobgarlik toʻgʻrisidagi Kodeksning 52-moddasi (yengil tan jarohati yetkazish) bilan javobgarlikka tortilib, tegishli tartibda jarimaga solingan.