Yangi oʻquv yilidan boshlab Oʻzbekistondagi barcha maktablarda 9-sinfdan boshlab harbiy-vatanparvarlik sinflari ochiladi. Bu haqida Milliy gvardiya matbuot kotibi Davron Jumanazarov brifingda maʼlum qildi.

Maʼlumot uchun, bungacha bunday sinflar respublika boʻyicha faqat 56 ta maktabda tashkil etilgan.

Maʼlum boʻlishicha, sinflarni tashkil etish ikki bosqichda amalga oshiriladi. Yaʼni, birinchi bosqichda 2024/2025 oʻquv yilida 2530 ta maktabda, ikkinchi bosqichda 2025/2026 yilda 2536 ta maktabda bunday sinflar paydo boʻladi.

Eslatib oʻtamiz, yoshlarni harbiy-vatanparvarlik ruhida tarbiyalash maqsadida Maktabgacha taʼlim va maktab taʼlimi vazirligi bilan hamkorlikda qaror ham qabul qilingan.