Navroʻz bayrami munosabati bilan 20-24-mart kunlari mahalliy yoʻnalishlarga qoʻshimcha aviaqatnovlar joriy etiladi. Bu haqida Uzbekistan Airways maʼlum qildi.

Xabarda aytilishicha, qoʻshimcha parvozlar butun respublika boʻyicha emas, aksincha, ayrim uzoq hududlar uchun amal qiladi. Jumladan:

• Toshkent – Nukus – Toshkent – 20-mart kuni;

• Toshkent – Buxoro – Toshkent – 20-, 21-, 24-mart kunlari;

• Toshkent – Urganch – Toshkent – 24-mart kunlari;

• Toshkent – Fargʻona – Toshkent – 21-mart kuni;

• Toshkent – Namangan – Toshkent – 24-mart kuni.

“Parvozlar jadvali bilan www.uzairways.com saytida tanishishingiz mumkin, shuningdek, aviachiptalarni aviakompaniya saytidan hamda “Uzbekistan Airways Sales” filialida yoki aviakompaniya agentlaridan xarid qilishingiz mumkin”, – deyiladi xabarda.