Toshkent shahrining Yunusobod tumanida ikki avtobus ishtirokida YTH yuz berdi.

11-mart kuni soat 15:00 atrofida Toshkent shahrining Yunusobod tumanida joylashgan Bodomzor metrosi roʻparasidagi bekatda YTH sodir bo‘ldi. Voqea guvohi bo‘lgan insonlarning so‘zlariga ko‘ra, bekatga katta tezlikda kirib kelgan 19-yo‘nalish elektrobusi bekatda turgan avtobusga urilgan.

Natijada elektrobusning old oynalari singan, 93-avtobusning orqa qismiga ham shikast yetgan.

YTH vaqtida 19-elektrobus saloni yo‘lovchilar bilan to‘la bo‘lgan. Tan jarohati olganlar bo‘lmagan.

Toshshahartransxizmat hozircha ushbu YTH bo‘yicha hech qanday ma’lumot bergani yo‘q.