Maʼlum boʻlishicha, voqea Jizzax viloyati Paxtakor tumaniga qarashli 9-sonli umumiy oʻrta taʼlim maktabida sodir boʻlgan. Bu boʻyicha Bosh prokuratura rasmiy munosabat bildirdi.

Aniqlanishicha, 1-sinf rahbari S.S. (ayol) imtihon olgan vaqtida qoniqarsiz baho olgan oʻquvchilarni doska yoniga chiqarib, ularga tanbeh bergan. Jazolash paytida sinf oʻquvchilaridan biri oʻzini tuta olmasdan yiqilib tushgan.

Hozirda ichki ishlar organlari tomonidan tergovga qadar tekshiruv harakatlari oʻtkazilmoqda.

“Tekshiruv harakatlari Jizzax viloyati prokuraturasi tomonidan nazoratga olingan”, – deyiladi xabarda.