2023-yil yakuniga koʻra, ishsizlik darajasi 6,8 foizni tashkil etgan. Bu esa oʻtgan yilning mos davriga nisbatan 2,1 foizga kamayganini bildiradi. Bu haqida Oʻzbekiston Respublikasi Kambagʻallikni qisqartirish va bandlik vazirligi xabar berdi.

Maʼlum boʻlishicha, 2023-yilning dekabr oyida Mehnat bozori tadqiqotlari instituti tomonidan respublikamizning 208 ta shahar va tumanida 1 000 ta oʻzini-oʻzi boshqarish organlari, 10 ming uy xoʻjaliklari hamda 53 ming 300 nafar fuqaroni qamrab olgan navbatdagi ijtimoiy soʻrov oʻtkazilgan

Tadqiqot natijasida, joriy yilning 1-yanvar holatiga koʻra, mehnat resurslari soni 19 mln. 724 ming 900 kishini tashkil etib, 2023-yilning shu davriga nisbatan 207 ming 400 kishiga (1,1 foizga) oshgani maʼlum boʻldi.