Prezident boshchiligida oʻtkazilgan yigʻilishda Xorazm viloyatidagi ijtimoiy sohani rivojlantirish masalalari ham koʻrib chiqildi.

Taʼkidlanishicha, Xorazmda avtomobilsozlik, turizm, qishloq xoʻjaligi va baliqchilikda malakali kadrlarga talab oʻsib boryapti.

Aynan turizm sohasini inobatga olgan holda, Urganch shahar 2-son kasb-hunar maktabida “Pirson” dasturi joriy qilinadi. Bu yerda oʻquvchilar “mehmonxona ishi” va “turizm” yoʻnalishida xalqaro darajada malaka oshiradi.

Shuningdek, Urganch universitetida ham taʼlim yoʻnalishlari maqbullashtirilib, yangi oʻquv dasturlari joriy qilinadi.