29-fevral kuni ijtimoiy tarmoqlarda maktab oʻqituvchisi boshlangʻich sinfda oʻqiydigan oʻgʻil va qiz bolalarni doʻpposlagani aks etgan video tarqalgandi. Ushbu video yuzasidan tergovga qadar tekshiruv boshlandi. Bu haqda Bolalar ombudsmani xabar berdi. 

Qayd qilinishicha, Xorazm viloyati, Xonqa tumanidagi 36-son maktabning boshlang‘ich ta’lim Mehnat fani o‘qituvchisi M.A. 23-fevral kuni 1-A sinf o‘quvchilarini, jumladan, 2016 yilda tug‘ilgan qiz bola va 2 nafar o‘g‘il bolani dars paytida nazorat ishini to‘g‘ri bajarmaganligi uchun kaltaklagan.

26-fevralda o‘qituvchining bunday noqonuniy harakatlari yuzasidan Xonqa tumani IIB tergovga qadar tekshiruv boshlagan. O‘quvchilarga nisbatan sudga oid tibbiy ekspertiza, o‘qituvchiga nisbatan sudga oid psixiatriya ekspertizasi tayinlangan.