Pavel Durov kanal egalari oʻz mehnatlari evaziga moliyaviy mukofotlar olishga haqli deb hisoblaydi.

Maʼlum boʻlishicha, mart oyidan boshlab Telegram kanal egalari reklama daromadlarining 50 foizini ola boshlaydi. Bunda foyda toʻlovi kriptovalyuta koʻrinishida boʻladi.

Telegram asoschisining yozishicha, mart oyida reklama platformasi deyarli 100 ga yaqin mamlakatlardagi barcha reklama beruvchilar uchun rasman ochiladi. Ushbu mamlakatlar hali Telegram platformasida reklama bermagan.

Aynan mazkur mamlakatlardagi kanal egalari Telegram tomonidan taqdim qilingan reklamalarni tarqatgani evaziga reklamadan tushadigan daromadning 50 foizigacha hissa olishadi.