Maʼlum boʻlishicha, voqea bugun, 29-fevral kuni soat 06:45 larda Yangi Oʻzbekiston koʻchasi chorrahasida yuz bergan.

Yoʻl transport hodisasi saroy raqami 556 boʻlgan, 63-avtobus va Tracker rusumli yengil avtomobil oʻrtasida sodir boʻlgan.

Xabarda aytilishicha, avtobus Yangi Oʻzbekiston koʻchasi chorrahasidan qayrilib olish vaqtida qarama-qarshi yoʻnalishda harakatlanib kelayotgan Tracker yuqori (197 km/soat) tezlikda avtobusning oʻrta shina qismiga kelib urilgan.

Avtobusda yoʻlovchilar boʻlmagan. Tracker avtomobili haydovchisi tan jarohati olgan va tez tibbiy yordam koʻrsatish uchun shifoxonaga olib ketilgan.

Xabarlarga koʻra, u shifoxonada vafot etgan.