Maʼlum boʻlishicha, endilikda elektropoyezdlar uchun chiptalarni temir yoʻl vokzallari va bekatlardan olish shart boʻlmaydi. Ya'ni, yoʻlovchilar elektropoyezd vagonlarida turgan holda ATTO transport kartalari yoki bank kartalaridan foydalanib, toʻlovlarni amalga oshirishi mumkin. Ayni kunlarda mana shunday amaliyot jarayoni ketmoqda.

Bunday imkoniyat dastlabki bosqichda faqat Toshkent-Xojikent yoʻnalishidagi elektropoyezdlarda joriy qilingan. Biroq tez kunlarda Toshkent-Bekobod, Toshkent-Xovos va Toshkent-Angren yoʻnalishlarida ham ishga tushirilishi rejalashtirilgan.