Agentlik “Tilimiz uchun” loyihasini eʼlon qildi. Hozirda Agentlik jamoasi oʻzbek tili rivoji uchun oʻz hissasini qoʻshmoqchi boʻlgan koʻngilli yoshlar harakatini yoʻlga qoʻygan. Bu orqali oʻzbek tilining qadrini oshirish, uni yanada faollashtirish maqsad qilingan.

Maʼlumot uchun, hozirda tashkilot tomonidan bir qator loyihalar faoliyati yoʻlga qoʻyilgan. Bular:

– Jahonning tan olingan eng sara kitoblarini oʻzbek tiliga tarjima qilishga qaratilgan 1000KITOB loyihasi;

– Oʻzbekcha Vikipediyada sifatli va foydali kontentlarni koʻpaytirishni maqsad qilgan “WikiStipendiya” marafoni;

– Isteʼdodli shoirlarni kashf etishga yoʻnaltirilgan “Duel” tanlovi va boshqa hali eʼlon qilinmagan bir necha mega loyihalar.

Ushbu jarayonga oʻz hissasini qoʻshmoqchi boʻlgan jonkuyar, bilimli va fidoiy yoshlar quyidagi manzil orqali soʻrovnoma toʻldiradi va koʻngilli yoshlar harakatiga qoʻshiladi.

https://forms.gle/EwM5P1GFFpAS1fUa7