Bosh prokuratura matbuot xizmati rahbari Hayot Shamsutdinovning maʼlum qilishicha, baxtsiz hodisa 25-fevral kuni, soat taxminan 10:30 larda Boysun tumanining “Duoba” mahallasida sodir boʻlgan.

Maʼlumotga koʻra, mahallada yashovchi J.X. (1980-yilda tugʻilgan, erkak) va uning uch nafar voyaga yetmagan farzandi — bir oʻgʻil (2013-yilda tugʻilgan) va ikki qizi (2016 va 2018-yillarda tugʻilgan) yashash uyida uxlab yotgan vaqtida temirdan yasalgan qoʻlbola pechdan chiqqan is gazi tufayli dimiqib, voqea joyida vafot etgan.

Erkakning turmush oʻrtogʻi Z.N. (1986-yilda tugʻilgan) va 2008-yilda tugʻilgan yana bir qizi esa tuman tibbiyot birlashmasiga qarashli jonlantirish boʻlimiga yotqizilgan. Ammo koʻrsatilgan tibbiy muolajalarga qaramay, 4-farzandi ham 27-fevral kuni, soat 10:45 larda tuman tibbiyot birlashmasida vafot etgan.

Mazkur holat yuzasidan Boysun tuman prokuraturasi tomonidan tergovga qadar tekshiruv harakatlari olib borilmoqda.