Prezident raisligidagi yigʻilishda tibbiyot muassasalarida laboratoriya xizmatlari koʻrsatishning mutlaqo yangi tizimi joriy etilishi maʼlum qilindi.

Qayd etilishicha, ikki oy muddatda laboratoriya tahlillari normativlari xalqaro tajriba asosida toʻliq qayta koʻrib chiqilib, yangilanadi;

- tumanlarda oilaviy va markaziy poliklinika, markaziy shifoxona hamda shoshilinch tibbiy yordam boʻlimi laboratoriyalari maqbullashtirilib, tunu-kun ishlaydigan markaziy laboratoriyalar tashkil etiladi;

- ularga oilaviy poliklinika va shifokor punktlaridan materiallarni yigʻib olish uchun transport vositalari olib beriladi;

- kelgusi yil davomida markaziy laboratoriyalardagi 1 mingdan ziyod shifokor va 3 mingdan ortiq oʻrta tibbiyot xodimining malakasi oshiriladi.