23-fevral kuni Shavkat Mirziyoyev yoshlar bandligini taʼminlash masalasida yigʻilish oʻtkazdi. Unda yoshlarni ishga joylashtirish, zamonaviy kasb-hunarlar va tadbirkorlikka jalb etish boʻyicha rejalar muhokama qilingan.

Jumladan, endi xususiy kurslarda oʻqib, C1 sertifikatini olgan yoshlarga oʻqish xarajatlari toʻlansa, nemis, fransuz, koreys, yapon va xitoy tillari boʻyicha B2 darajasi sertifikatini olish xarajatlari qoplanadi.

Shuningdek, 2024-yilda sertifikat olishdagi imtihon xarajatidan tashqari 6 oylik oʻqish puli ham toʻlab beriladi.

“Ustoz” loyihasi doirasida esa 250 ming nafar yoshlar marketing, reklama, elektron savdo, IT dizayner kabi 30 ta zamonaviy kasbga oʻrgatiladi.