Qorni koʻtara olmagan tom qismining bosib qolishi oqibatida 3 kishi halok boʻlgan, 45 kishi jarohatlangan.

Maʼlum boʻlishicha, voqea Olmaliq kon-metallurgiya kombinati misni qayta ishlash zavodi qurilishi chogʻida sodir boʻlgan.

Bosh prokuratura "Gazeta.uz"ga voqea rostdan ham roʻy berganini tasdiqlagan. Dastlabki maʼlumotlarga koʻra, baxtsiz hodisa oqibatida 3 kishi halok boʻlgan, 45 kishi jarohat olgan.

Maʼlumot uchun, ushbu obyektning bosh pudratchisi Enter Engineyering kompaniyasi hisoblanadi.

Jarohatlanganlar orasida kompaniya yollagan ishchilar ham borligi aytilmoqda.