Holatga Bolalar ombudsmani munosabat bildirdi.

Maʼlum boʻlishicha, videodagi voqea Toʻrtkoʻl tumanidagi 5-sonli maktab internati tarbiyachisi D.M. tomonidan 2013-yilda tugʻilgan S.M. ga nisbatan 2023-yilning oktyabr oyida sodir etilgan.

“Internat shaklidagi maktablarda tahsil olayotgan bolalar tarbiyachilarining yanada koʻproq eʼtibori va gʻamxoʻrligiga muhtoj boʻlsa-da, aynan ana shu vazifa yuklatilgan insonlarning oʻzi bolaga bunday nomaqbul munosabatda boʻlishini hech qanday holatda oqlab boʻlmaydi.

 

Bunday faktlarga nisbatan mutlaqo murosasiz boʻlib, bu kabi harakatlarga yoʻl qoʻygan shaxslar qatʼiy ravishda qonun doirasidagi javobgarlikka tortilishi shart”, – deyiladi xabarda.

Hozirda mazkur holat yuzasidan tergovga qadar surishtiruv ishlari olib borilmoqda.