Sirdaryo viloyatida maʼnaviy-maʼrifiy sohada olib borilayotgan ishlarni aholiga yetkazishda matbuotning oʻrnini oshirish, fuqarolarda yurt taqdiriga daxldorlik hissini uygʻotish, yoshlarni vatanparvarlik ruhida tarbiyalash maqsadida Respublika Maʼnaviyat va maʼrifat markazi Sirdaryo viloyati boʻlimi muassisligida “Maʼnaviy olam” gazetasi nashrdan chiqdi.

Gazeta nafis muqovali, 20 sahifa boʻlib, unda maʼnaviyat, tarix, yoshlar, sport, teatr, adabiyot, muzey, adabiy tanqid, bolajon, tabobat, rahbar yon daftari, oila kabi oʻnlab ruknlar oʻrin olgan.

Gazeta toʻliq lotin alifbosiga asoslangan.