Maʼlum boʻlishicha, Marhamat tumanida fuqaro O. U. fuqaro F. B.ning ishonchiga kirib, uni goʻyoki migratsiya agentligida ishlovchi tanishlari yordamida Meksika davlati orqali Amerika Qoʻshma Shtatlariga ishga yuborishni aytgan. Evaziga esa 15 000 AQSH dollari soʻragan. Tezkor tadbir davomida O. U. kelishilgan pulni olayotganida qoʻlga tushgan.

Davom etgan tadbir davomida boshqa bir fuqaro N. M. fuqaro O. U.dan 6 000 AQSH dollarini olgan vaqtida ashyoviy dalillar bilan ushlangan.

“Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda”, – deyiladi xabarda.