Xabarga koʻra, pullar “Mahalla” xayriya jamoat fondidan “Saxovat va koʻmak” jamgʻarmasiga oʻtkazilishi belgilangan, ammo amalda bunday boʻlmagan.

Bosh prokuratura huzuridagi Departamentning Termiz shahar boʻlimi tomonidan oʻtkazilgan tergovga qadar tekshiruvda aniqlanishicha, “Mahalla” xayriya jamoat fondi viloyat boʻlim boshqaruvi bosh hisobchisi M.T. va boshqalar 2021-2022 yillar mobaynida ijtimoiy himoyaga muhtoj hamda davolanish va jarrohlik amaliyoti oʻtkazilishi kerak boʻlgan 48 nafar fuqaroning yordam pullarini soxta hujjatlar bilan oʻzlashtirib, jami 499,8 mln. soʻmni talan-taroj qilgan.

“Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) va 209-moddasi (mansab soxtakorligi) bilan jinoyat ishi qoʻzgʻatilib, tergov harakatlari oʻtkazilmoqda”, – deyiladi xabarda.