Prezident farmoni bilan Zulfiya nomidagi Davlat mukofotini berish tartibiga oʻzgartirish kiritildi.

Endilikda axborot texnologiyalari yoʻnalishida yutuqlarga erishgan iqtidorli xotin-qizlar ham ushbu mukofot bilan taqdirlanadi. Shuningdek, Bosh vazir oʻrinbosari – Oila va xotin-qizlar qoʻmitasi raisi rahbarlik qiladigan Zulfiya nomidagi Davlat mukofoti komissiyasi jamoatchilik asosida faoliyat olib boradi.

Bundan tashqari, farmonda mukofotni olish uchun talabgorning soʻnggi 3 yil mobaynidagi ibratli faoliyati, taʼlim, fan, adabiyot, madaniyat, sanʼat, sport, axborot texnologiyalari sohalari va jamoatchilik faoliyatidagi alohida yutuqlariga oid hujjatlar taqdim etilishi belgilandi.

Maʼlumot uchun, oldin bu tartib soʻngi 2 yillikni oʻz ichiga olgan.