Respublika Maʼnaviyat va maʼrifat markazi, “Maʼrifat” targʻibotchilari jamiyati tomonidan yangi loyiha taqdim etilmoqda. Ana shu loyiha doirasida bir guruh olimlar, ekspertlar yangi “Milliy tarbiya ensiklopediyasi” nashri ustida ish olib borishmoqda.

Kitob goʻzal odob-axloq fazilatlari va maʼnaviy bilimlarni oʻzida mujassam etadi. Ayniqsa, milliylik, tarbiya, qadriyatga oid mavzular bugungi globallashuv jarayonida paydo boʻlayotgan boʻshliqni toʻldirishga xizmat qilishi aniq.

Ensiklopediya mamlakatimiz Mustaqilligining 33 yilligi arafasida nashr etilishi rejalashtirilgan.