Oʻzbekiston Respublikasi Prezidenti Shavkat Mirziyoyevning taklifiga binoan Belarus Respublikasi Prezidenti Aleksandr Lukashenko 7-9 fevral kunlari rasmiy tashrif bilan mamlakatimizda boʻladi.

Xabarga koʻra, tashrif dasturiga muvofiq oliy darajadagi muzokaralar oʻtkazilishi, ularda Oʻzbekiston va Belarus oʻrtasidagi koʻp qirrali hamkorlikni yanada kengaytirishning amaliy jihatlari koʻrib chiqilishi rejalashtirilgan.

Shuningdek, oʻzaro tovar ayirboshlashni oshirish, qishloq xoʻjaligi, yengil va oziq-ovqat sanoati, farmatsevtika, kommunikatsiyalar va boshqa tarmoqlarda kooperatsiya aloqalarini rivojlantirish masalalari diqqat markazida boʻlishi aytilmoqda.

Uchrashuvda professional taʼlim, sogʻliqni saqlash, madaniyat, sport va turizm sohalarida sheriklikni rivojlantirish dasturlari muhokamasi ham rejalashtirilgan.